Tere  Kar-kamal  ke 

Bandhan se

Kiran    Bedi    ki   

Kach-hari    tak…….

Nahi aana muze

Aapke Mohak Kar-kamal me:

Nahi jana muze

Kiran Bedi ki Kach-hari me…..

Aap ne  kaha  hai:

Meri hi baahon me aa jao !

Kitne din bhatkoge

Jivan ki sunisuni rahon me

Kitne din tadpoge

Meri aahon me

Aa jao Sanam ! Mai bhi pyasi hun !

Mai  bhi  ga  rahi  hun:

Aaj Sajan Muze Ang Laga Lo

Janam Safal Ho Jaye…

Hridaya ki Pida, Prem ki Agni

Sab Shital ho jaye…

To Aa hi jao na meri baahon me !!!

Mai zarur aaunga !

Kyonk ki meri zeb khali khali hai…

Mai to bekaar hun, kya tu car-wali hai…

Sochta hun: Kya tu paisewali hai…

Tu  kaun  hai ?  Tu  kaisi  hogi ?

Lagta hai tu

Mithhe Shabdon ki Moorti hai !

Ya vaise hi pahile muze bhatkanewali

Baad me idher udher bhaganewali

Tu chabukwali Sfoorti hai !

Sochta  hun:  Tu  khud  kaisi  hogi ?

Tu Shabdon ke Shunya ka Madhurya hai.

Tu Sumadhur Bhavnaon ka Oudarya hai.

Tere har ishare me Kam-tatparya hai.

Teri Prem-bhasha bhi kitni saloni hai.

Tu Shuddh Prem-Yuddh ka Param Soundrya hai.

Ab tu bhi soch:

To tere per mer mitne ki

Hamari lagan, hamari aasha bhi vaisi hi hogi !

Sochta hun: Kya Tu vaisi he hogi

Jaisa mai sochta hun;  Ya jaise tu likhati hai…? Tu kaisi hogi…?

Yadi tu

Bhojneshu Mata hogi, to kaisi hogi ?

Shayaneshu Rambha hogi, to kaisi hogi ?

Karyueshu Mantri hogi, to kaisi hogi ?

Fir sochta hun: Tu vaisi na hogi… Aur…

Yadi shaadi ke baad tuze khana pakane na aaya

Bartan dhone ko na aaya

To shaadi ke aajivan karawas me pachhtate pachhtate

Rasoi-ghar me khana pakate pakate

Sabhi ke kapdon dhote dhote

Bartan dhote dhote

Teri hi naukari karte karte

Muze poora jivan bitana hoga…   

Fir tere kar-kamal ke

Tere Moh-paaah se,

Tere Nagin-paash se mukt hone

Fir ek din har ker, thak ker

Teri shikaayat karne hetu

Muze rote rote

Kiran Bedi ke paas jana hoga…

Muze rote rote Kiran Bedi ke paas jana hoga…

Muze rote rote Kiran Bedi ke paas jana hoga…